Народниот правобранител на Албанија, позитивно одговори на барањето на Македонското друштво „Илинден“ за коригирање на јазичната грешка на таблата на која стои името на оваа институција на македонски јазик, покрај јазиците на другите етнички заедници.
– Поради барањето упатено до институцијата Народен правобранител, во врска со написот на македонски јазик на името на нашата институција во повеќејазичниот знак поставен на главниот влез, ве информираме дека ги презедовме потребните мерки и ова ненамерна грешка во најкус можен рок ја отстранивме. Се разбра при тоа предвид го имавме вашето упатство, стои во одговорот на народниот правобранител Елинда Баланца упатено до Никола Ѓурѓај претседател на МД„Илинден“.
Друштвото својата забелешка до албанскиот омбудсман ја достави во петокот, со барање да се коригира јазичната грешка.
– Македонското друштво „Илинден“ – Тирана бара корекција на написот на табелата на институцијата каде стои народен адвокат наместо народен правобранител, како што тоа треба да биде на македонски јазик. Се надеваме дека нашето барање ќе биде разгледано и прифатено. Ви благодариме за разбирањето и соработката, стоеше во барањето.
Во исто време „Илинден“, како претставник на македонското национално малцинство во Република Албанија, ја поздравува работата на народниот правобранител и поставувањето повеќејазична табла на објектот каде функционира оваа институција.