Денот на Заедницата на Македонците во Република Хрватска по прв пат оваа година се одржа во Сплит, на 25 ноември 2017 г. Местото на одржувањето беше Мултимедијалниот културен центар Сплит –
Дом на младите, а домаќин на настанот – македонското културно друштво „Македонија“ од Сплит. Иако приредбата беше закажана во 17 часот, автобуситесо Македонците и Македонките од цела Република Хрватска почнаа да пристигнуваат и порано во Градот под Марјан. Сплит тој викенд беше центар на македонското национално малцинство во Република Хрватска. Големиот амфитеатар на Домот на младите во Сплит почна да се полни веќе од 15 часот со учесниците на сите македонски културни друштва од цела Хрватска. А ги имаше навистина од секаде. Освен домаќините, МКД „Македонија“ од Сплит, пристигнаа МКД „Билјана“ од Задар, МКД „Илинден“ од Риека, МКД „Св. Кирил и Методиј“ од Пула, МКД „Охридски бисер“ од Загреб и МКД „Браќа Миладиновци“ од Осиек. Песни, ора, носии и поезија. Веќе неколку минути пред 17 часот амфитеатарот беше полн со љубопитни гледачи кои со нетрпение очекуваа да проследат што овој пат ќе понудат Македонците во Хрватска во насока на презентирање на дел од богатото културно наследство низ песни, ора, носии и поезија. По интонирањето на државните химни на Република Хрватска и Република Македонија, водителката ги поздра
ви присутните гости, меѓу кои беа и членот на Советот за националните малцинства на РХ, Ангел Митревски, почесниот претседател на Заедницата на Македонците во РХ, д-р Никола Гроздановски – Коле, советникот за национални малцинства на Сплитско-далматинската жупанија, Марко Бекавац, претседателот на Одборот за националните малцинства на Град Сплит, Тончи Блажевиќ, советничката за национални малцинства и верски заедници на Град Сплит, Марина Кузманиќ Петреш, претседателот на Координацијата на советите и претставниците на македонското национално малцинство за Р. Хрватска, Томе Апостолоски, претседателот на Заедницата на Македонците во Р. Хрватска, Илија Христодулов, како и бројни други претставници на оста натите национални малцинства во Град Сплит и Сплитско-далматинската жупанија. По кратките воведни и поздравни говори на претседателот на ЗМРХ и неколкумината гости, се помина на музичкосценскиот настап на секциите од културните друштва кои делуваат во Заедницата на Македонците во РХ. Настапија: пејачката група „Македонија“ под водство на Олга Барбир, мешовитиот збор „Пријатели“ под водство на Вања Бамбуќ, „Клинци-мандолинци“ под водство на Ивана Кенк Калебиќ, професорка, фолклорната група под водство на Блага Масачеси, учениците кои посетуваат настава на македонски јазик во ОУ „Скалице“, под водство на Милена Георгиевска, сите од Сплит. Во ритамот на седум осмини и богата гастро понуда. Следни беа литературнодрамската група „Записи со љубов“ и инструментално-пејачката група на МКД „Билјана“ од Задар. Фолклорната група „Танец Осиек“ под водство на Мирта Гало го претстави МКД „Браќа Миладиновци“ од Осиек. Македонците од Загреб, МКД „Охридски бисер“, се претставија со рециталот „Преместен камен“ од Никола Маџиров, а настапија и пејачката група „Моми бисерни“ и фолклорна та група „Китка“ со сплет на македонски ора.
МКД „Св. Кирил и Методиј“ од Пула за оваа прилика имаше подготвено рецитал на поезија во изведба на Милена Златеска, со музичка придружба на Игор Јаневски на тапан, а во продолжение се појавија и Драго Драгузет и Авелина Дамијањевиќ со стари напеви, по што следуваше настапот на Магдалена Златеска со Игор Јаневски. Крајот беше резервиран за МКД „Илинден“ од Риека. Нивната пејачка група под водство на Ивона Дуноски Митев во придружба на музичката група под водство на Јуре Ручиќ изведоа сплет од македонски народни песни, а за крај нивната фолклорна група под водство на Марјан Митев ги крена сите Македонци и Македонки на заедничко оро на бината. И за крај, секако заслужу ва да се потенцираат сите вредни раце на нашите Македонци и Македонки, кои се потрудија да ја оправдаат поговорката: „Крајот делото го краси“. Крајот овој пат беше претставување на македонска гастро понуда во која некој помалку, а некој по веќе, но сите доволно придонесоа за да се потврдат Македонците и Македонките како добри домаќини, што навистина и се.
Биљана Митревски