Само три проценти од земјоделците учествуваат во работата на некоја потсекторска група во Министерството за земјоделство, шумарство и водостопанство, а дури 87 отсто од нив сакаат активно да учествуваат во работата на Министерството, покажуваат резултатите од истражувањето што го спроведе „Рурална коалиција“ во втората половина од минатата година.
Извештајот од направениот мониторинг врз работата и отвореноста на Министерството за земјоделство ќе биде презентиран денеска, а на презентацијата ќе говорат извршната директорка на „Рурална коалиција“ Лилјана Јоноски и државниот секретар во Министерството Нефрус Челику.
Извештајот е направен во рамки на проектот „Отчетност за сработеното со парите на граѓаните – реформа на јавната администрација која тешко се достигнува“.