До крајот на февруари ќе се знае најдобрата опција за изградба на Клиничкиот центар

До крајот на февруари, Владата ќе донесе одлука која е најдобрата опција за изградба на Универзитетскиот клинички центар „Мајка Тереза“ во Скопје.

Портпаролот на Владата Миле Бошњаковски на денешниот редовен брифинг со новинарите истакна дека изградбата на Клиничкиот центар е еден од клучните приоритети на Владата.

Инвестицијата ќе чини 120 милиони евра од кои 70 милиони евра се кредит од Банката на Советот на Европа, а останатите од Буџетот на Република Македонија. Рокот на изградба на новиот објект е три ипол години и година ипол за реконструкција на постојната зграда на хируршките клиники.

– Во новиот објект ќе бидат инкорпорирани 21 клиника, а на постојните локалции ќе останат Клиниката за детски болести, кардиологија, Инфективната клиника и Клиниката за максилофацијална хирургија, истакна Бошњаковски.

Leave a Reply

Your email address will not be published. Required fields are marked *