Екипата на Мемфис се наоѓа можеби во најголемата криза од своето постоење. Имено, екипата од истоимениот град го забележа осмиот пораз во низа, што предизвикува огромна тензија кај раководството, кошаркарите и навивачите. Како резултат на тоа, Марк Гасол влезе во конфликт со тренерот Физдејл, а овој му врати на тој начин што го остави да седи на клупа цела четврта четвртина. Инаку, Мемфис загуби на свој терен од Бруклин со 88-98.
Мајами како гостин славеше над Чикаго со 100-93, иако ја имаше најслабата четвртина во историјата. Во првата четвртина Мајами постигна само 7 поени.
Во последниот натпревар што се одигра ноќеска, Минесота без проблеми го совлада Феникс со 119-108.