– „Национална платформа за намалување на ризици од несреќи и катастрофи на Република Северна Македонија“ е тема на трибината што денеска ќе се одржи во Владата на Република Северна Македонија.
На трибината ќе се обратат националниот координатор за имплементација на Националната платформа за намалување на ризици од несреќи и катастрофи на Република Северна Македонија Павле Трајанов, вицепремиерот и министер за внатрешни работи Оливер Спасовски, директорот на Институтот за земјотресно инженерство и инженерска сеизмологија, Влатко Шешов, професорот Марјан Ѓуровски од Универзитетот „Св. Климент Охридски“- Битола – Факултет за безбедност, раководителот на Секторот за цивилно – воена соработка во Министерството за одбрана, Тони Петревски и Влатко Јовановски, шеф на Секретаријатот на DPPI SEE.