Во рамки на проектот за размена на информации за итни случаи меѓу здравствените работници од пограничното подрачје на Грција и Северна Македонија денеска во Гевгелија се одржа вториот проектен состанок на кој присутвуваа претставници од ангажираните институции од двете земји.
Според организаторите, целта на состанокот била да се направи преглед на поставените и досега реализирани активности, да се утврдат сите пречки и тешкотии во имплементацијата на проектот, како и да се конкретизираат задачите што треба да се извршат во следниот период.
Во однос на тоа беше договорено во текот на мај и јуни да се одржат „Инфо денови“ за проектот преку кои јавноста ќе се запознае со активнотите и резултатите кои треба да бидат постигнати.
Гевгелиската Општа болница во рамки на проектот, што е подржан од ИПА програмата за прекугранична соработка, ќе набави ултразвучна машина за ехо дијагностика која заедно со постоечкиот мамограф ќе имаат главна улога во извршувањето на бесплатни прегледи за жените од општините Гевгелија, Богданци и Дојран со цел превентивно да се реагира во рано откривање на рак на дојка и рак на матка.