Дополнителниот заменик-министер за внатрешни работи Митко Бојмацалиев, на својата Фејсбук страница, упати повик до македонската дијаспора дека освен патниот лист, има можност и да ги искористи и базните станици во дипломатско-конзуларните претставништва на Северна Македонија.
-Проектот за поднесување барања за издавање на патни исправи преку дипломатско-конзуларните преставништва е отпочнат 01.10.2021 година и до 09.02.2024 година вкупно 47.726 граѓани ја имаат искористено оваа можност да извадат патна исправа преку ДКП-та, напиша Бојмацалиев.
Наведува дека моментално барања за издавање на патни исправи се поднесува во вкупно 25 дипломатски преставништа и тоа: Љубљана, Лондон, Берн, Берлин, Бон, Минхен, Виена, Њујорк, Чикаго, Венеција, Рим, Малта, Стокхолм, Копенхаген, Пекинг, Малме, Абу Даби, Осло, Брисел, Хаг, Париз, Торонто, Детроит, Мелбурн и Канбера.