МРО-ДПМНЕ на седница на Извршниот комитет ги утврди кандидатите за министри и дополнителни заменици министри во техничката влада.
-Во насока на обезбедување кредибилен процес, ВМРО-ДПМНЕ одлучи да учествува во техничката влада. Во рамки на ставот кој што досега го имавме ќе предложиме технички минстри, изјави Тимчо Муцунски потпретседател на партијата по седницата на ИК.
Потврди дека во преодната влада, Панче Тошковски ќе биде технички министер за внатрешни работи, а Ѓоко Велковски за труд и социјална политика, додека за дополнителен заменик– министер за финансиии е предложена Елена Петрова, за информатичко општество и администрација Стефан Андоновски, а за земјоделство, шумарство и водостопанство Цветан Трипуновски.
Топшковски е адвокат, магистер по кривично право и криминологија на Правниот факултет Јустинијан Први во Скопје, со работно исксуство и во државните иснституиции. Во перидот од 2008 до 2011 година, работел како советник во Министерството за транспорт и врски и АД за стопанисување со станбен и деловен простор во сопственост на државата. Членувал во повеќе комисии и работни тела.
Кандидатот за министер за труд и соцјиална политика Велковски е раководител на Секторот за поддршка на градоначалникот на општина Гази Баба и советник во Советот на Чаир, долги години работел во МТСП на различни работни позиции, а бил и генерален секретар на Град Скопје од 2021 до 2023 година.
Петрова е професоналец во областа на финансиите, дипломиран економист со над 25 годишно работно искуство во УЈП. Седум години била управник во Дирекцијата за јавни приходи за големи даночни обврзници, а претходно и раководител на даночното одделение во Свети Николе каде била и на други раководни позиции.
Андоновски кој ќе биде дополнителен заменик миниситер за информатичко општество и администрација, е меѓународен секретар на партијата и советник во Советот на Град Скопје. Магистрирал меѓународни односи на „Џонс Хопкинс“ Унверзитетот во САД и е докторант на Правниот факултет Јустинијан Први во Скопје. Пред политичкиот ангажман пет години работел во бизнис секторот во државава и е консултант на меѓународни донаторски проекти во областа на дигиталниот маркетинг, комукациите и медиумите.
Кандидатот за дополнителен заменик министер за земјоделство, Трипуновски во моментов е претседател на Комисијата за земјоделство на ВМРО-ДПМНЕ. Во претходната техничка влада, исто така, беше на позицијата дополнителен заменик министер за земјоделство. Работел во МЗШВ, од 2015 до 2017 година ја извршувал функцијата директор на Државниот земјоделски инспекторат, а од 2006 до 2008 година раководел со Државната фитосанитарна лабораторија.
-Ова се петте кадровски решенија со кои ВМРО-ДПМННЕ ќе го даде својот максимум за одржување на фер и демократски избори, што практично е и причината за формирање на техничката влада. Причината поради која ВМРО-ДПММНЕ одлучи да учествува во техничката влада е затоа што во Македонија никогаш не било полошо. Македонија се наоѓа во тешка ситуација заглавена во криминал и корупција. СДС и ДУИ, Ковачевски и Ахмети, за многу бргу од денес ќе бидат политичко минато. Важно е да ги поразиме, за да имаме иднина за Македонија, каква што посакуваме, рече Муцунски.
На новинарско прашање како ќе гласаат, го повтори партискиот став дека нема да гласаат за техничка влада предложена од лице од ДУИ.
-Ние ќе ги дадеме нашите предлози, но поддршка од нашите пратеници за таа влада нема да ја има, наведе Муцунски.
Предлозите на опозициската ВМРО-ДПМНЕ за министри и дополнителни заменици министри во техничката влада претходно вечерва ги соопшти претседателот на партијата Христијан Мицкоски, во телевизиско гостување.
Седницата за избор на техничката влада ќе се одржи на 28 јануари, а потоа и втора седница за избор на дополнителните заменици министри, како и за верификација на мандат на пратеник. Претседателот на Владата Димитар Ковачевски и претседателот на Собранието Талат Џафери, кој е мандатар на техничката влада, оставки ќе поднесат утре, со што почнуваат и крајните рокови за составување на преодната влада, која се носи сто дена пред изборите за пратеници на 8 мај.