Управата на МЗТ Скопје Аеродром, незадоволна од учинокот на кошаркарите во АБА-лигата во која го заземаа последното место со само три победи и лошите игри во првенството во кое имаат дури шест порази, реши да ги казни со 50% од месечните примања.
Оваа казна е предвидена со клупскиот правилник, е преку соопштение управата ги наведе причините.
Истовременио, клупското раководство застана позади Жељко Лукајиќ и неговата работа, велејќи дека е задоволно од тоа како ја води екипата и тренинзите и дека неговото место воопшто не е загрозено.
Целта на раководството е да се освестат кошаркарите, да почнат максимално да работат и што побрзо да влезат во посакуваната форма пред плеј-оф натпреварте.
До крајот на првенството МЗТ Скопје треба да игра против Кожуф, АБ Охрид и Пелистер. Потоа почнува разигрувањето за титулата.