Опстојувањето на Металург како клуб не е доведено во прашање. Спонзорот дал цврсти гаранции дека заостанатите долгови кон ракометарите ќе бидат подмирени и дека во иднина се ќе биде како што треба. Кризата е надмината и сега останува ракометарите да го кажат своето на теренот.
На прес конференцијата која беше закажана по повод шпекулациите дека Металург е пред згаснување и дека спонзорот им должи на ракометарите плати за 4 месеци, тренерот на Металург, Александар Јовиќ изјави:
-Штом се натпреваруваме, значи нешто позитивно се случува во клубот. Имаме цврсти гаранции од спонзорот декам Металург ќе опстои како клуб. Би било навистина штета да не продолжиме, бидејќи имаме плејада млади играчи кои треба да се искалат во македонски репрезентативци.
Проблемот излезе на виделина кога капитенот на Металург, Филип Кузмановски изјави дека играчите за 5 месеци земале само една плата и дека доколку набрзо не биде се средено, ќе претстои штрајк. Во меѓувреме дел од заостанатите плати е исплатен, така што се чини кризата е надмината.
Металург го чекаат уште три натпревари во СЕХА лигата, а потоа разигрување во Плеј – фот македонскиот куп.