Димитров во работна посета на Берлин, најавена средба со еврокомесарот за проширување Вархеји

Министерот за надворешни работи Никола Димитров денеска и утре ќе престојува во работна посета на Берлин.

Димитров ќе учествува на Втората средба од висок ранг на германско-француската иницијатива за сеопфатна контрола на мало и лесно оружје во земјите од Западен Балкан со која ќе претседаваат германскиот министер за надворешни работи Хајко Мас и францускиот министер за надворешни работи Жан-Ив Ле Дриан.

Како што соопшти МНР, во рамките на работната посета планирани се и средби на Димитров со негови колеги и други високи учесници на настанот, како комесарот за соседство и проширување Вархеји. Предвидено е министерот да се сретне и со високи претставници од кабинетот на германската канцеларка Ангела Меркел и германското Министерство за надворешни работи.

– Посетата се случува во период на засилен ангажман во пресрет на дискусиите на ЕУ ниво за ажурираната методологија на Европската комисија за водење на пристапните преговори, како и одлуката за С. Македонија за отворање на преговорите, наведува МНР.

Leave a Reply

Your email address will not be published. Required fields are marked *