Новогодишни пакетчиња денеска добија и дечињата сместени на детскиот оддел од кумановската болница. Димитриевски им посака побрзо закрепнување. И градоначалникот и директорката на болницата, Снежана Захариева, истакнаа дека е многу значајно, болницата да се затоплува на гас.
-Наша обврска е да работиме на подобрување на стандардите и разговаравме со директорката и за гасификација на болницата на која што интензивно работиме и од страна на општината и од болницата и се надеваме дека следната грејна сезона конечно ќе успееме да имплементираме проект со кој и болницата ќе се затоплува со еколошко гориво, а тоа секако е гасот, рече Максим Димитриевски.
Захариева информираше дека во овој период има поголем број деца кои примаат терапија и во дневната болница и на самото одделение.