Словенецот Горан Драгич, кој веќе има десетгодишно искуство во НБА лигата, пишува уште една историја на словенечката кошарка, со тоа што ќе стане првиот словенец кој ќе игра на ол-стар натпреварот во Лос Анџелес, од 16-18 февруари. Тој ќе го замени повредениот Кевин Лав во екипата на Леброн Џејмс и уште еднаш на публиката ќе и го покаже својот раскошен кошаркарски талент.
Словенецот игра извонредно оваа сезона, со 17 поени на натпревар и 4,8 скока. Воедно ова е и големо признание за Мајами Хит, чиј играч е словенечкиот репрезентативец.