Велешкиот градоначалник Аце Коцевски на општина Велес денеска на истекот на 100-те дена од преземањето на функцијата информираше дека долгот на општината е намален за околу 30 проценти.
Пред да стапи на функцијата долгот изнесувал 170.276.850 денари или 2.768.729 евра.
– Со домаќинско работење и кратење на сите непродуктивни трошења долгот го намаливме. За три месеци се исплатени 50.038.181 денари или 813.628 евра, односно 29,39 проценти од долгот , појасни Коцевски.
Воедно информира дека затекнатите состојби со превработеноста и неорганизираноста на администрацијата, лошите состојби во ЈКП „Дервен“ лошо се одразиле на хигиената во градот и резултира ле со ненавремено отстранување на дефекти,
-Злоупотребите направени од поранешниот претседател на советот со одобрување на поранешниот градоначалник, појасни Коцевски.
Воедно информира и за, како што рече, злоупотребите на неколкумина директори во училиштата, проблемите со огрев и превоз во училиштата, активностите за отстранување на бесправно поставените тезги кај пазарот, проблемот со кучињата скитници, но и за големиот број на инфраструктурни и меѓународни проекти.
– Примопредавањето на функцијата се случи во многу специфичен период, непосредно пред активностите за донесување на програмите и буџетот на општината, на истекот на 2017 година. Затекнатите состојби и проблеми, како и процедурите за носење на буџетот, не оставија многу простор за реализација на конкретни проекти и активности. Особено во услови кога немаме ниту едно ново вработување, а во затекнатата администрација од неразбирливи причини, најголемиот дел од одделенијата се без раководители , појасни Коцевски
Воедно информира дека за краток период успеале да направат анализа на сите состојби, да ги утврдат приоритетните проблеми на граѓаните и да направат визија за идните проекти.
Најави Пречистителната станица со колекторски систем, финансирана од ЕУ како највреден проект во општина Велес во висина од над 20 милиони евра.