Локално

Воздухопловната федерација на С.Македонија домаќин на Светското првенство во параглајдерство

July 29, 2019
Македонско Сонце
15 Comments
Воздухопловната федерација на Македонија од 5 до 18 август ќе го организира 16-то Светско првенство во параглајдерство што ќе се одржи во Крушево.Настанот е закажан во календарот на светската воздухопловна федерација (ФАИ).
-На првенството се пријавени околу 150 параглајдеристи од целиот свет, кои ќе настапат во три дисциплини: крос кантри – прелети, прецизно слетување и акробации. Крос кантри е трка во далечина со претходно одредени точки кои мора да се поминат. Секој пилот на крила (параглајдерист) има со него  ГПС-тракер со кој точно се одредува каде се наоѓа пилотот. Има посебна интернет страница на која можат да се следат параглајдеристите во живо.Трите најдобри македонски спортисти во оваа дисциплина ќе учествуваат на светското првенство, Ѓорѓи Ристовски, Дарко Станковски и Владимир Неделковски, информира Биљана Еверетте, генерален секретар на Воздухопловна федерација на  Северна Македонија.
Настанот е во организација на Воздухопловна Федерација на Македонија, Параглајдинг Клуб „Екстрема“ од Скопје и ПК „Делта” од Прилеп.
По повод 16-то ФАИ Светско првенство во параглајдерство на кое домаќин ќе бидат градот Крушево и Пелагонискиот регион, утре,  30 јули 2019 со почеток во 11 часот, во просториите на Агенцијата за млади и спорт, ќе се одржи прес-конференција на која ќе се обратат директорот на АМС, Дарко Каевски, претседателот на Воздухопловната федерација на С.Македонија, Владимир Бараковски и градоначалникот на Крушево, Томислав Христовски

 

15 thoughts on “Воздухопловната федерација на С.Македонија домаќин на Светското првенство во параглајдерство”

Leave a Reply

Your email address will not be published. Required fields are marked *