Никола Мицевски, координаторот на пратеничката група на ВМРО-ДПМНЕ, од 13-14 мај во Берлин, учествуваше на 2-та интерпарламентарена соработка и иницијатива за Западен Балкан 2019-та година. Во организација на „Конрад Аденауер“ фондацијата.
„Улогата на парламентарците во регионалната соработка“ беше темата на која дискутираа парламентарците од Западен Балкан со Европратениците и пратеници од Германскиот Бундестаг од групата за соработка со Македонија и земјите од Западен Балкан.
Никола Мицевски дискутираше на темата „Улогата на парламентите и парламентарците во ЕУ интеграциите и Берлинскиот процес“, каде што беа разменети мислења со Дорис Пак, претседателка на жените во Европската Народна Партија (EPP), Патрик Волер меѓународен секретар на Европската Народна партија и амбасадорот Кристијан Хелбах, директор за Југоисточна Европа, Турција и ЕФТА државите во федералното биро за надворешни работи.
Истакната е добрата соработка на ВМРО-ДПМНЕ со Европската Народна Партија и поздравени се напорите за поддршката кон ЕУ интеграциите.