Во Парламентот денеска седници ќе одржат комисиите за политички систем и односи меѓу заедниците, за европски прашања, за економски прашања и Законодавно – правната комисија.
На дневен ред на Комисијата за политички систем и односи меѓу заедниците се Предлог – законот за изменување и дополнување на Законот за државните награди, Предлог – законот за изменување на Законот за Владата, поднесен од група пратеници, Предлог-законот за изменување и дополнување на Законот за организација и работа на органите на државната управа, поднесен од група пратеници, сите во второ читање, и Предлог на резолуција за промени и подобрување на положбата на Ромите во Република Северна Македонија.
Овие точки се на дневен ред и на Законодавно-правната комисија која, како што е најавено, ќе одржи две седници.
Членовите на Комисијата за европски прашања ќе расправаат за „Промоција на поддршката на Комисијата за европски прашања на Собранието на Република Северна Македонија преку Компонентата за зајакнување на капацитетот за ЕУ интеграција, во рамките на два постојни проекти, финансирани од амбасадите на Норвешка и Шведска“.
На седницата, како што е најавено, ќе се обратат претседателот на Комисијата за европски прашања Артан Груби, амбасадорот на Кралството Норвешка Арне Санес Бјорнстед, амбасадорот на Шведска Матс Стефансон и Венелин Рангелов од Канцеларијата на Обединетите нации за проектните услуги.
Единствена точка на дневен ред на седницата на Комисијата за економски прашања е Статутарната одлука за изменување и дополнување на Статутот на Регулаторната комисија за енергетика