Македонскиот документарец „Медена земја“ освои три награди на „Санденс“

Со победа во три категории, македонскиот филм „Медена земја“ („Honeyland“), во режија на Љубо Стефанов и Тамара Котевска, триумфира во конкуренцијата за документарци од целиот свет на американскиот филмски фестивал „Санденс“ („Sundance“).

На церемонијата што се одржа во Парк Сити, Јута, САД, „Медена земја“ ja доби големата награда на жирито (Grand Jury Prize) за најдобар документарен филм, а на снимателите Фејми Даут и Самир Љумаим беше врачена наградaта за најдобра кинематографија (Special Jury Award for Cinematography).

Документарецот го доби и специјалното признание од жирито за влијание за промена (Special Jury Award for Impact for Change)

Подигнувајќи ја наградата на најдобар филм, продуцентот Атанас Георгиев упати апел до властите да се реши проблемот со загадениот воздух во, како што рече, најзагадената земја во светот (доделувањето на наградата и апелот е од 1:29:00).

„Медена земја“ беше во официјална конкуренција на престижниот американски фестивал за независни филмови „Санденс“ во категорија со уште 11 други документарци од целиот свет.

Листата на победниците на „Санденс“ можете да ја видите овде.

Победничкиот тим на „Медена земја“