ДЕНЕС СЕ РЕШАВА СУДБИНАТА НА ПЕЦЕ

Денеска во 17 часот, ќе се одржи седница на Собранието на КФМ, на кое ќе биде разгледувана актуелната ситуација во која се наоѓа македонската кошарка. Иако не е на дневниот ред, на оваа седница лесно би можела да биде додадена и точка за гласање доверба или недоверба на актуелниот претседател на КФМ, Петар Наумоски.

Минатата година популарниот “Пеце” успеа да “преживее” еден “пуч” предводен од МЗТ Скопје Аеродром и Куманово, но тешко дека би можел да “преживее” уште еден. Ситуацијата е следна. Клубовите се незадоволни од неговото владеење и му свртеа грб, а поддршката ја загуби и од здруженијата кои тој ги формираше односно реафирмираше. И голем број спортски работници и делегати повеќе не се на негова страна.

Значи за очекување е дека Наумоски би можел денес да падне од тронот, а за негов наследник се борат Даниел Димевски и Владо Илиевски.

Leave a Reply

Your email address will not be published. Required fields are marked *