Димитров имаше проштална средба со вонредната амбасадорка на Австралија

Министерот за надворешни работи, Никола Димитров денеска во проштална средба ја прими Џулија Фини, вонреден и ополномоштен амбасадор на Австралија во Република Македонија, со седиште во Белград.

Изразувајќи задоволството од плодниот ангажман на амбасадорката Фини во изминатите четири и пол години, министерот Димитров и врачи благодарница за нејзиниот придонес во промовирањето и збогатувањето на пријателството и соработката меѓу двете држави.

Димитров и Фини се согласија дека политичките односи меѓу двете земји во изминатиот период бележат постојан нагорен тренд.

Оваа година дополнително ја одбележа и посетата на министерката за надворешни работи Џули Бишоп на Република Македонија, која даде значаен импулс за билатералната и мултилатералната соработка на двете земји.

Амбасадорката Фини упати честитки за постигнувањата на Република Македонија на планот на европските и евро-атлантските интеграции.

Leave a Reply

Your email address will not be published. Required fields are marked *