Со капитулантскиот потпис на договорот со Грција, Заев го одзема правото на граѓаните да бидат Македонци и правото да се употребува зборот Македонија.
Дрски, безобразни и бесрамни се нивните лаги дека е зачуван, а уште помалку дека е зајакнат македонски идентитет.
Грчки премиер Алексис Ципрас изјавува дека македонска националност не се признава со договорот. Зоран Заев не го демантираше Ципрас, што значи дека крие дека договорот задира и го менува македонскиот идентитет.
Со договорот одземена им е државноста на Македонците. Тие ја губат својата држава. Заев признава дека сите институции ќе мора да го заменат и загубат македонскиот предзнак. Заев призна дека сите институции ќе мора да го избришат името и наместо придавката Македонска, Македонско, Македонски, ќе мора на крајот на името да додадат „на Северна Македонија“. Така, Заев признава дека ќе се смени и името на државните институции, министерствата, државните органи, МАНУ, личните карти, пасошите.
Заев манипулира дека секаде ќе останела придавката Македонски/а/о, иако договорот поинаку предвидува, но се обиде да протне дека „не можело се’ да стои напишано, дека било нафрлено во договорот, и дека нешто се подразбира“. Напротив, текстот со грчки барања кои Заев ги прифатил е толку детален што не остава никаква случајност. Ќе прочитам неколку делови од таканаречениот договор каде што точно се прецизира бришењето на идентитетот.
Член 1, 3. А) Официјалното име на Втората Страна ќе биде „Република Северна Македонија“, кое ќе биде уставното име на Втората страна и ќе биде користено ерга омнес, како што стои во Договорот. Краткото име на Втората страна ќе биде „Северна Македонија“.
Член 1, 3. Б) Националноста на Втората Страна ќе биде Македонска/ Граѓани на Република Северна Македонија, како и што ќе биде запишано во патните исправи.
Член 1, 3. Ц) Придавката на државата, и официјалните органи, како и други јавни претпријатија ќе биде во линија со официјалното име или краткото име, „на Република Северна Македонија“ или пак „на Северна Македонија“.
Член 1, 3. Г) Втората Страна ќе го прифати името „Република Северна Македонија“ и официјалното име и терминологии реферирани во Член 1(3) преку интерна процедура која е обврзувачка и неотповиклива, вклучувајќи ги и амандманите на Уставот како што стои во Договорот.
Член 1, 3. Х) Во релација со горе споменатото име и терминологии во комерцијалните имиња, трговски марки и имиња на брендови, итн., ќе се формира меѓународна група на експерти за надминување на овие прашање. Оваа група на експерти ќе биде формирана до 2019 и ќе заврши со работа за три години. Што значи со овој член се опфаќаат и оние приватни компании кои што пред себе во своето име ја носат придавката Македонско/и/а или воопшто Македонија.
Според членот 1.8 По влегувањето во сила на договорот, Република Македонија престанува да се користи како термин. По неговото влегување во сила, изменетото име и терминологијата е за сите примени и ќе важи ерга омнес, во билатералните односи, како и во сите регионални и меѓународни институции.
Ова се дел од членовите од договорот кој што не оставаат ништо на случајност, или нешто што Заев го нарекува паушалност која што остава простор. Заев точно знае што прифатил, а сега повторно и упорно го лаже македонскиот народ.
Ова е чистење на цела нација, ова е пострашно од геноцид, ова е геноцид врз цела нација – ова е чист етноцид.
Договорот на Заев со Ципрас јасно предвидува промена на Уставот и губење на идентитетот. Огромен пораз сакаат да го прикажат за некаква победа.
Прашуваме, каде тоа со народот ја прославивте победата, успешниот договор, зајакнатиот идентитет? Или забавата заврши на глисерот и предадената вратоврска?
Ова е срамен договор. Овој договор е измама на октроираната влада на СДСМ. Народот се чувствува разочаран, потиштен и излажан затоа што знае дека овој договор нема да донесе подобар живот. Затоа Заев мора да падне, а Македонија да победи.