Струмичката поетеса Сузана Мицева ја освои првата награда во категоријата странски поети на поетскиот конкурс „Лирични гласови“ што го организира Сојузот на софиски библиотеки и издавачките куќи „Изида“ и „Персеј“ од Софија, соседна Бугарија.
На свечената церемонија на доделување на наградите што се одржа викендов, поезијата на Мицева беше прочитана на мајчин и на бугарсзки јазик во превод на Тања Попова. Втората награда во ова акатегорија ја доби Нехас Сопај од Албанија, а третата Дунија Паланжени од Романија.
– Главната награда за бугарските поети е издавање книга, а наградата за нив од годинава ја носи името на Романола Мирославова, која за жал, почина лани по долго и мачно боледување, само две недели по смртта на својот сопруг, истакнатиот поет Ефтим Ефтимов. Во нејзина чест, поетскиот фестивал се одржува таму каде што е востановен, во малата и трошна, но полна со историја библиотека, „Никола Вапцаров“. Честа е огромна, особено што сум наградена во друштво на универзитетскиот професор Сопај, и Панаоглу, позната поетеса од Романија, рече Мицева.
Големата награда на Шестиот меѓународен поетски конкурс ја доби бугарскиот поет Евгени Минчев кој го доби признанието „Ромањола Мирославова“ и договор за издавање книга.
Од бугарските поети наградени беа Силвија недкова со прва награда, Алина Стојанова со втора и Ани Димитрова со трета награда.
Специјални награди добија Даниел Тунев, Ана Христова и Људмила Тодорова.
Годинава на конкурсот се пријавиле 224 поети, меѓу кои многу повеќекратни добитници на награди и високи признанија.