Српскиот патријарх Порфириј вчера по сослужувањето на заедничка литургија со aрхиепископот охридски и македонски, г.г. Стефан…
May 2022
Ковачевски по посетата кај папата Франциск: Поддршката на најранливите наши сограѓани во време на криза е суштината на нашето делување
Пораките за надеж и желба за просперитет во постпандемскиот период но и во време на справуавање…
– Северна Македонија и Ватикан се цврсто поврзани со взаемна почит заснована на заеднички историски, културни и верски традиции и значајни ликови како Светите браќа Кирил и Методиј и Света Мајка Тереза. Со папата Франциск се согласивме дека грижата за најранливите наши сограѓани во време на криза и почитувањето на разликите се столбовите на градењето на општество во кое има место за сите и дека плодната соработка со Ватикан ќе се продлабочи бидејќи ги делиме истите вредности на меѓусебно разбирање, толеранција и човечко достоинство, објави Ковачевски. Премиерот Ковачевски и делегацијата на Владата на Република Северна Македонија, што е во дводневна посета во Рим и Ватикан во рамки на традиционалните свечености во чест на 24 Мај – Денот на сесловенските просветители Светите браќа Кирил и Методиј, денеска беа примени од неговата светост папата Франциск. Ковачевски имаше тет-а-тет средба со папата Франциск, а потоа и аудиенција на која беше придружуван од ќерката, како и останатите членови на делегацијата на Северна Македонија – Бујар Османи, министер за надворешни работи, Оливер Спасовски, министер за внатрешни работи, Бисера Костадиновска Стојчевска, министерка за култура, Мартин Попов, шеф на Кабинет на Претседателот на Владата, Ана Андреева, секретар за комуникации, односи со јавност и протокол, Даријан Сотировски директор на Комисија за односи со верски заедници, Никола Јанкуловски ректорот на УКИМ, Пимен Илиевски митрополитот на МПЦ-ОА, Јосиф Тодоровски митрополитот на МПЦ-ОА и Зоран Стојанов декан на струмичка епархија на Католичка црква и Марија Ефремова, амбасадорката на Република Северна Македонија во Ватикан. На аудиенцијата кај папата Франциск, како една од централните активности од програмата за чествување на животот и големото дело на Светите Кирил и Методиј, премиерот Ковачевски изрази благодарност за посетата на папата на нашата земја во 2019 година, што беше прва посета на предводник на Римокатоличката црква запишана како историска. – За време на разговорот на средбата со папата Франциск беше истакната улогата на Светите браќа Кирил и Методиј кои со својата мисија да го шират христијанството на јазик разбирлив за словенските народи извршија и мисија на поврзување на народите на Европа. Северна Македонија и Ватикан, беше нагласено на средбата, од воспоставувањето дипломатски односи од пред 28 години, со посветеност и меѓусебно почитување градат пријателство базирано на заеднички историски, културни и верски традиции и значајни ликови како Светите браќа Кирил и Методиј и Света Мајка Тереза, соопшти владината прес служба. На средбата е поздравена и отпочнатата иницијатива за потпишување темелен договор (конкордат) помеѓу Северна Македонија и Светата Столица, за да се регулира статусот на Католичката црква во нашата земја и за унапредување на соработката во областите од взаемен интерес, особено во делот на соработката меѓу образованите институции и архивите на двете земји. Премиерот Ковачевски истакна дека на огромно негово задоволство со папата Франциск се согласиле дека поддршката на најранливите наши сограѓани во време на криза е суштината на нашето делување. Почитувањето на разликите како еден од столбовите на градењето на општество во кое има место за сите е пресликана во традицијата на меѓурелигиска толеранција, почитување на разни верски убедувања како и негувањето на слободата и демократијата во Република Северна Македонија. На средбата на премиерот Ковачевски и македонската делегација со папата Франциск се споделени пораки за надеж и желба за просперитет во постпандемискиот период, но и во време на справување со најголемата криза досега. Било истакнато дека плодната соработка со Ватикан ќе се продлабочи, бидејќи ги делиме истите вредности на меѓусебно разбирање, поддршка за најранливите, еднаквост, толеранција и човечко достоинство. Премиерот Ковачевски на папата Франциск му подари рачно изработен фрагмент со калиграфско пишување на рачна изработена хартија од пофалното слово на Свети Климент Охридски, бројаница со традиционален охридски бисер и филигран, како и винил плоча од македонскиот виртуоз Влатко Стефановски.
Пораките за надеж и желба за просперитет во постпандемскиот период но и во време на справуавање…
Ковачевски – папа Франциск: Грижата за најранливите, толеранцијата и човечкото достоинство се вредности врз кои се продлабочува соработката со Ватикан
На аудиенцијата кај папата Франциск по повод чествувањето на големото дело Светите браќа Кирил и Методиј,…
Премиерот Ковaчевски на тет-а-тет средба и аудиенција кај папата Франциск
Почна тет-а-тет средбата на премиерот Димитар Ковачевски со папата Франциск во Ватикан. Средбата се реализира во рамките…
Ковачевски во Ватикан и Рим во чест на Денот на Светите Кирил и Методиј
Премиерот Димитар Ковачевски денеска во рамките на посетата на Рим и Ватикан, по повод одбележување на…
Делегација на СПЦ преводена од патријархот Порфириј во посета на МПЦ-ОА
Во посета на Македонската Православна Црква (МПЦ) – Охридска Архиепископија денеска и утре ќе престојува делегација…
Ковачевски во Ватикан и Рим во чест на Денот на Светите Кирил и Методиј, средби со Драги и Петков
Премиерот Димитар Ковачевски придружуван од ќерката Тамара Ковачевска утре и задутре ќе предводи делегација на Република…
Кирил Петков ќе ја предводи бугарската делегација во Рим на 24 мај
Бугарскиот премиер Кирил Петков ќе ја предводи бугарската делегација во Рим на 24 мај, каде се…
Вархеји очекува Софија во јуни да даде согласност за старт на преговорите со Скопје
Еврокомесарот за проширување и добрососедска политика Оливер Вархеји, по средбата во Бугарија со претседателот Румен Радев,…