Македонското литературни друштво „Григор Прличев“ претставува столб на културните и литературните збиднувања на Македонците и нивните пријатели во Австралија и ширум светот. Исто така и Библиотеката на Друштво именувана по преродбеникот од Охрид, Григор Прличев, веќе 45 години успешно функционира и претставува дом за Македонците во Сиднеј
Македонските информативни гласила во Австралија се средства за продолжување на мајчиниот јазик донесен од дедовската земја – Македонија. Тие во исто време се моќен фактор за зачувување на ционалниот дух, го јакнат патриотското единство и ги афирмираат националните вредности рамноправно со другите етнички заедници што живеат во демократска Австралија.
Посебен простор за информативните гласила во иселеништвото е посветен во публикацијата “Македонскиот иселенички печат“, чиј авторот е Славе Николовски-Катин, а издавач е НИО „Студентски збор“, од Скопје во 1993 година, на 254 страници на македонски јазик, додека рецензенти се д-р Боро Мокров и д-р Весна Шопар, додека. Оваа публикација има за цел да пополни извесна празнина во историографската анализа на печатот кај македонското иселеништво во Австралија, Канада, САД и Европа (Европската Унија).
Меѓу другите информативни гласила во Австралија, посебен простор во публикацијата е посветен на едно од најзначајннте македонски rласила – списанието „Повод”, кое е орган на Македонското литературно друштво „Григор Прличев“ од Сиднеј. Тоа е прво македонско списание во Австралија и единствено од ваков во македонското иселеништво.
Друштвото „Григор Прличев“ е прва литературна асоцијација од таков вид во дијаспората. Тоа беше формирано на 31 март 1978 година од група ентузијасти и вљубеници во македонскиот мајчин јазик, литературата и културата. Познатиот иселеник, поет, писател, драматург, општественик Душан Ристевски беше првиот избран претседател на Друштвото, во кое се зачленети десетици познати и признати вљубеници на убавиот македонски литературен јазик, во поезијата и прозата, во публицистиката и новинарството., во зближувањето на македонските доселеници, коишто се активни на полето на литературата и јазикот.
Меѓу другото, Македонското литературно друштвото „Григор Прличев“ со неколку илјади книги, списанија и други материјали, организира наградни конкурси за најдобри литературни творби, а организира и богата издавачка дејност на дела од македонските доселеници, кои во слободното време се занимаваат со пишување.
Во Друштвото членуваат голем број творци на поетски и прозни остварувања. Тие се чувари на сè она што е македонско и се продолжувачи на културните вредности на македонскиот народ од сите делови на Македонија во македонското иселеништво (дијаспората).
Инаку, издавачката дејност на друштво „Григор Прличев“ е многустрана. Меѓу другото, таа има големо значење за афирмирање на литературните остварувања на Македонците во Австралија и светот, како и за достоинствено презентирање на македонските доселеници и нивните културни вредности кои се дел од мултикултурата на многунационалното и демократско општество во Австралија.
Библиотеката на друштво „Григор Прличев“, пак, именувана по преродбеникот од Охрид, Григор Прличев, веќе 45 години успешно функционира во Сиднеј. На 31 март 1978 Библиотеката ја основаа членовите на австралиско-македонската заедница во Сиднеј, а целта е да се изучува, зачува и промовира македонскиот јазик и македонските литературни вредности.
Мисијата на Библиотеката е да се збогати мултикултурното општество во Австралија со македонски книжевни дела. Четири и пол децении од основањето на Библиотеката е историски момент за македонската заедница во Сиднеј и пошироко за мултикултурна Австралија..
Затоа, може да се нагласи дека денес Македонското литературни друштво „Григор Прличев“ претставува столб на културните и литературните збиднувања на Македонците и нивните пријатели во Австралија и ширум светот. Тоа е едно од најзначајните публицистички куќи, културни и се’македонски центри кое ги собира, зближува и надградува бројните интелектуалци, вљубеници во пишаниот збор, во театарскиот храм и во се’ она што значи зачувување и афирмација на културата, јазикот, името и вистина за македонскиот народ и етничка Македонија.
Инаку, списанието „Повод“ заслужува и внимание и респект, колку од домашната, толку и од пошироката писателска, новинарска, научно – културна јавност, а и од секој Македонец во дијаспората и во Македонија. Во овој миг „Повод“ претставува значајна и своевидна документација за одбрана на националното, духовното и културното битие на Македонецот од сите делови на Македонија кои свиле гнездо во мултикултурна Австралија и во светот.
Дел од богатствата на македонскиот дух, преку литературните остварувања, фолклорот, музиката и песната, носијата, накитот и резбата, веќе се присутни на културните простори на државите во кои Македонците се времено или трајно населени, како што е присутно и нивното книжевно творештво на својот мајчин или на јазикот на кој зборува мнозинскиот народ.
Тие се пласираат и афирмираат низ сопствените печатени или електронски медиуми и воопшто низ повеќе насочената комуникација, која сé поинтензивно се остварува меѓу деловите на македонскиот народ во светот со нивната матична држава – Република Македонија.
Списаниет „Повод“, низ сите аспекти, евидентно ја покажува и докажува иднината и судбината на Македонците, откривајќи низа значајни визури од животот и дејствувањето на македонското иселеништво во развојот и унапредувањето на литературните и културните процеси во Австралија, со што и ги збогатува општите сознанија за скромниот придонес на Македонците и на овој план.
Продолжува
Пишува: СЛАВЕ КАТИН