Претседателот на Владата Христијан Мицкоски, денеска оствари средба со амбасадорите на државите-членки на Европската Унија, на која се разговараше за актуелната политичка и економска состојба во земјата, како и за напредокот на државата на патот кон интеграцијата во Унијата.
![](https://mia.mk/articles/images/премиеротмицкоскиостварисредбасоамбасадоритенадржавитечленкинаyVIoS/Ks2aYONkq/medium.webp?use_watermark=0)
Како што информираше денеска владината прес-служба Мицкоски ги информирал амбасадорите за заложбите на Владата за спроведување на клучни реформи во правосудството, борбата против корупцијата, економскиот раст и инвестициите кои треба да ја приближат нашата земја до европските стандарди.
![](https://mia.mk/articles/images/премиеротмицкоскиостварисредбасоамбасадоритенадржавитечленкинаp4rUy/TdEJ0A5hk/medium.webp?use_watermark=0)
Амбасадорите на државите-членки на ЕУ ја потврдиле својата поддршка за процесот на евроинтеграција на Северна Македонија и изразиле подготвеност за натамошна соработка и помош во реализацијата на реформските процеси.
![](https://mia.mk/articles/images/премиеротмицкоскиостварисредбасоамбасадоритенадржавитечленкинаwzATt/IvwVvwdKC/medium.webp?use_watermark=0)
На средбата соговорниците се согласиле за натамошно интензивирање на соработката и зајакнување на билатералните односи во различни области од заеднички интерес.