Како градоначалник на првата општина во земјава со донесена Стратегија за развој на паметен град, градоначалникот на Велес, Аце Коцевски учествува на Светскиот конгрес на паметни градови во Барселона, Шпанија.
Како што информираат од Општина Велес, клучни теми на годинешниот конгрес на паментни градови се новите технологии во управувањето со отпад, социјалните иновации и обезбедувањето на решенија за одржлив развој.
Појаснуваат дека Светскиот конгрес и саем на паметни градови е посветен на развој на градовите ширум светот преку иновации, особено социјалните иновации, како и за идентификација на можности за инвестиции и одржлив развој преку практична примена на иновациите од областа на информатичката технологија .