Народно движење за Македонија ја споделува загриженоста со народот од утрешниот ден, кој е еден од деновите каде македонскиот народ на едно место ќе ги гледа подржувачите на НАТО и ЕУ, односно, подржувачите за промена на вековното македонско име, а по повод обраќање на генералниот секретар на НАТО, Јенс Столтенберг во Собранието.
Всушност, утре во Собранието ќе ги гледаме партиите за кои често велиме дека се позиција и опозиција, а во суштина се дел од едноумието НАТО и ЕУ наречено „нема алтернатива“.
Оттука, за жал, уште еднаш ќе ги гледаме сплотени како му аплуадираат на Столтенберг, партиите: потписници на капитулантскиот рамковен договор, учеснички во фалсификатот на пописот, кои заедно ја одработија територијалната поделба, донесоа употреба на јазикот на малцинството во државните институции и кои на патот кон НАТО и ЕУ ја урнаа АСНОМ-ска Македонија делото на генерации Македонци од дедо комита до татко и син партизан.
Меѓутоа, утре е денот и кога народот треба да одлучи дали сака да се понижи и самоукине или да почне да креира за себе, за идните генерации со почитување на идеалите на ВМРО, на партизаните, идеали кои ја кренаа Македонија после 2000 години робства и уништувања.
На крај, утре е денот кога Македонија и Македонците треба да си го постават прашањето, што направивме во овие 27 години на патот кон таканаречениот безалтернативен НАТО и ЕУ ?
Од друга страна, НДМ ќе го продолжи патот на кој нема да се преговара за името и идентитет, туку истите ќе се почитуваат, ќе се вратат идеалите на АСНОМ, на ВМРО, на праведните и чесните Македонци.
НДМ и народот заедно, гордо, ќе ја исправат Татковината, како што доликува на Македонија, која, прва имаше илјадагодишна античка држава, која ги даде Филип и Александар, Управда Петруш-Јустинијан, Светите Кирил и Методиј со Климент и Наум и првиот светиклиментов универзитет во Европа со 3000 ученици, кирилицата на своите браќа Словените, ја ширеше верата преку апостолската Охридска црква наследник на Јистинијана Прима, која секогаш е напред со своите светли идеали за соработка и културен натпревар меѓу народите.
Затоа, НДМ им порачува на СДСМ и ВМРО-ДПМНЕ и истовремено му порачува и на Јан Столтенбер да им пренесе на НАТО и ЕУ: Жива е Македонија, жив е македонскиот народ!