Демократскиот сојуз смета дека започнатите реформи во правосудниот сектор, службите за безбедност и администрацијата, се добра основа за стабилизирање на состојбите и јакнење на правната сигурност.
Капиталот доаѓа во стабилни држави и каде што има добра и позитивна бизнис клима.
Изедначување на бизнис условите за домашните и странските компании, се добра основа за раздвижување на инвестициите и зголемување на побарувачката за работна сила, а со тоа и зголемување на платите.
Само со преземање на одговорност од сите политички субјекти, реформи и реални резултати, се гаранција за побрзо евроинтегрирање и полноправно членство во НАТО на Република Македонија.
Охрабрувањата и поддршката кои доаѓаат од ЕУ, НАТО и од САД, се шанса за Република Македонија да се движи напред и да го разреши дваесет и седум годишен спор наметнат од Грција.
Затоа, Демократскиот сојуз предлага 2018 година да биде прогласена за ГОДИНА НА РЕФОРМИ, РЕЗУЛТАТИ И ЧЛЕНСТВО ВО НАТО, како и започнување на пристапните преговори со ЕУ.