Време е ВМРО-ДПМНЕ да се надмине себе си и наместо да шири невистини да се вклучи во процесите ЗА членство на Македонија во ЕУ и НАТО со зајакнат и заштитен македонски идентитет.
Иднината на Македонија и нејзините граѓани се над сите политички партии. Влезот во ЕУ и НАТО со заштитен македонски идентитет е многу поголемо прашање од дневно политичките полемики.
Не е точно дека со постигнатиот Договор со Грција се загрозуваат македонскиот идентитет и македонската посебност. Не е точно ниту дека се бришат поимите Македонија и македонски. Напротив, со Договорот термините Македонец, македонската, македонски се трајно заштитени и никој повеќе нема да може да ги негира или оспорува.
Според членот 7 од Договорот, македонскиот идентитет ги отсликува територијата, јазикот, народот, со сите атрибути, со своја историја, култура и наследство.
Тоа е вистината. Во име на вистината и во име на иднината, потребно сите политички субјекти вклучително и ВМРО-ДПМНЕ де се приклучат на процесот што ја обезбедува македонската иднина, да го повикаат своето членство масовно да излезе на референдумот ЗА влез во ЕУ и НАТО.
ЗА европска Македонија!