Министерот за внатрешни работи Оливер Спасовски денеска одржа работна средба со амбасадорот на Француска Република во Македонија Кристијан Тимоние, соопшти МВР.
На средбата беа потврдени заложбите за натамошно продлабочување на досегашната меѓусебна соработка. Министерот Спасовски се заблагодари за досегашната поддршка и помош на Француската Република за Република Македонија, која освен преку материјално – технички и финансиски средства, изминатиов период е изразена и преку организирање на обуки, тренинг курсеви и семинари за македонските полициски службеници од врвни експерти од француската полиција.
Министерот Спасовски и амбасадорот Тимоние разговараа и за напредокот на реформските процеси во Министерството за внатрешни работи.