Министерот за одбрана Владо Мисајловски, заменик-началникот на Генералштабот, генерал-мајор Азим Нуредин и началникот на штаб на Командата за операции, бригадниот генерал Мирче Ѓоргоски денеска ја посетија командата на Воздухопловниот ВИНГ во Касарната „Страшо Пинџур“ во Петровец.
![](https://mia.mk/articles/images/мисајловскигопосетивоздухопловниотвингблагодарностзапридонесот4dAJo/mEn8iBz4K/medium.webp?use_watermark=0)
Како што информира Министерството за одбрана, Мисајловски за време на посетата оствари средба со командантот на Командата на Воздухопловниот ВИНГ, полковникот Игорчо Стоименовски и со останатите командири на единиците во состав, на која беше брифиран за состојбите и оперативните можности и капацитети на оваа Команда.
![](https://mia.mk/articles/images/мисајловскигопосетивоздухопловниотвингблагодарностзапридонесот4sRiM/AMvrIppIL/medium.webp?use_watermark=0)
– Мисајловски се заблагодари на пилотите и целиот персонал на оваа команда за придонесот при гаснењето на пожарите во нашата држава и им порача дека активно ќе работи заедно со сите чинители од оваа команда и со Генералштабот да се надминат предизвиците со кои се соочува оваа клучна единица на Армијата, се вели во соопштението.