Министерот за надворешни работи Бујар Османи, учествувал на состанокот на министри за надворешни работи на Западен Балкан и „Пријателите на Западен Балкан”, што се одржа во Рим, на иницијатива на министерот за надворешни работи на Италија, Антонио Тајани, соопштија денеска од МНР.
– Поставувањето на јасна визија за идното проширување на ЕУ со земјите од Западен Балкан е од значаен економски и безбедносен интерес и за регионот и за Унијата, нагласил Османи во обраќањето на сесијата Заедничка работа за „Забрзување на евроинтегративниот процес на Западен Балкан”.
![](https://mia.mk/articles/images/османиодримјаснавизијазаиднотопроширувањенаеусоземјитеодзfnR4a/TLMgUm00x/large.webp?use_watermark=0)
Во таа насока, стои во соопштението, тој се осврнал на концептот „Повеќе интеграција пред полноправно членство”, нагласувајќи дека истиот е комплементарен со Планот за раст за Западен Балкан при што, покрај подобрувањето на демократските процеси, економската и безбедносна состојба на земјите од Западен Балкан, би придонел и за значително унапредување на отпорноста и зајакнување на заедничкиот одговор кон споделените предизвици.
Заблагодарувајќи се за иницијативата на италијанските домаќини и поддршката на земјите пријатели на регионот, министерот Османи апелирал дека во дадениот геостратешки и регионален контекст потребата од стратешко размислување и делување е поголема од било кога претходно.
![](https://mia.mk/articles/images/османиодримјаснавизијазаиднотопроширувањенаеусоземјитеодзat66k/iDxFMprtp/large.webp?use_watermark=0)
– Потребно е сите заедно да ги удвоиме нашите напори за искористиување на полниот потенцијал на она што во моментов ги имаме на располагање, но и да ја задржиме амбицијата за дополнително унапредување и забрзување на интеграцијата на среден рок. Тоа ќе вбризга свеж ентузијазам за земјите и граѓаните во регионот и ќе го подобри кредибилитетот на пристапниот процес, рекол Османи, се додава во соопштението од МНР.
Во рамки на престојот во Италија, Османи имал средба и со новите носители на МКарта