Американскиот државен секретар Ентони Блинкен в сабота ќе ја посети Турција за да разговара за билатерални и регионални прашања, изјави денеска турскиот министер за надворешни работи Хакан Фидан.
Блинкен последен пат ја посети Анкара на почетокот на ноември, каде што разговараше со Фидан речиси три часа, вклучително и за израелско-палестинскиот конфликт и кандидатурата на Шведска за НАТО, што допрва треба да биде ратификувана од турскиот Парламент.
Посетата на американскиот државен секретар на Турција доаѓа како дел од неговата втора турнеја на Блискиот Исток, откако милитантите на Хамас извршија напад врз еврејската држава на 7 октомври, што го натера Израел да започне интензивна воздушна и копнена офанзива во Газа.
Блинкен се очекува да го посети Блискиот Исток оваа недела, јавија американските медиуми.