Првиот вицепремиер и министер за политички систем и
односи меѓу заедниците, Артан Груби денеска во Скопје имаше средба со вицепремиерот на Црна Гора, Дритан Абазовиќ, на која, како што информираат, било разговарано за регионалната и меѓусебна економска соработка.
Двајцата вицепремиери, информираат од Кабинетот на Груби, изразиле заедничка благодарност за состанокот, додека Груби изразил благодарност за придонесот на Подгорица за време на членството на нашата земја во НАТО и напорите што ги правиме на патот кон членството во Европската унија.
Груби и Абазовиќ оцениле дека двете земји немаат отворени спорови, економската соработка треба да се зголеми на повисоко ниво бидејќи сите земји во светот и нашите земји се соочуваат со економски и здравствени предизвици во овие услови на Пандемијата.
– Ја гледам евро-атлантската идентификација на Црна Гора и симболот за регионална соработка на нашите земји во фигурата на Дритан како вицепремиер бидејќи тој е клучен елемент во тамошната влада, тоа е гаранција за евро-атлантска ориентација не само за Црна Гора, туку и за целиот регион, и тоа е гаранција за регионална соработка меѓу нашите две земји, ние исто така разговаравме за економска соработка и одржување заеднички состанок меѓу нашите две влади и исто така разговаравме за создавање Форум на вицепремиери на земјите од Западен Балкан што сакаме да го спроведеме по сите изборни процеси. Му се заблагодарам за целата поддршка, посета и подготвеност за нашата заедничка соработка, рече првиот вицепремиер Груби на прес-конференцијата по состанокот.
Од друга страна, се вели во соопштението, голема благодарност за гостопримството изразил и вицепремиерот на Црна Гора Абазовиќ, кој рече дека двете земји ќе продолжат со соработката во повеќе области, вклучително економската и здравствената состојба, притоа поканувајќи го првиот вицепремиер Груби на официјална посета во Подгорица.
– Му се заблагодарам на вицепремиерот Груби за гостопримството, мислам дека нашата соработка и партнерство не само што беше добра преписка, туку и братска и во овој момент можам да кажам дека сум многу среќен што разговаравме и споделивме идеи и нашиот договор беше како да го развиеме регионот во иднина, црногорската влада е задоволна од соработката со Владата во Скопје и мислам дека идејата што Груби ја претстави сигурно може да се реализира, беше заменик-премиерите да направат заеднички форум и можеме да придонесеме, предизвиците на сите регионални земји се во основ на истите како економските и здравствените и мислам дека треба да покажеме солидарност и да создадеме можности за сите балкански земји да бидат поуспешни на патот кон ЕУ, верувам дека некои либерални
политики можат да бидат присутни во иднина, уште еднаш му се заблагодарам на вицепремиерот и го поканувам да ја посети Црна Гора во терминот што ќе му одговара и убеден сум дека двете земји можат да бидат добар пример за земјите од регионот кои имаат повеќе проблеми и Северна Македонија е пример за соработка, подготвени сме за соработка и се чувствувам многу добро во Скопје во канцелариите на првиот вицепремиер и наскоро посакувам да го видам во Подгорица делегација предводена од Груби, ние ќе продолжиме да работиме затоа што граѓаните немаат време за чекање, рече Абазовиќ на прес-конференција, се вели во соопштениети од кабинетот на Груби.