Очекуваме да продолжиме со добра соработка, секогаш со компас кон европската перспектива на земјите од регионот, рече портпаролот на грчката Влада Стелиос Пецас одговарајќи на прашањето на дописничката на МИА од Атина на денешниот редовен брифинг со новинарите, во однос на очекувањата од Грција од новата македонска Влада, со оглед на тоа дека е веќе познат нејзиниот состав.
-Очекуваме да продолжиме со една добра соработка, секогаш со компас кон европската перспектива на земјите од Западен Балкан, а според тоа и на Северна Македонија што е во интерес на народите на двете земји и на земјите од поширокиот регион, рече Пецас.