Задоволни сме од она што го направивме во овие две и пол години. Направивме реформа во квалитет и во квантитет. Оставени сме да работиме според новинарските стандарди и тоа мене многу ме радува и одговора, изјави за Утрински брифинг на „Слободен печат“ првиот човек на МИА, Драган Антоновски.
Тој вели дека имал сериозен проблем да го наметне новиот концепт на работа, а тоа е дека веста повеќе не е само текст и слика.
– Мислам дека успеав во тоа. МИА го има најавувано тој видео сервис во последните 10 години но никогаш не го направиле. Ние за прв пат сега го поставивме тој систем, изјави Антоновски.