Општина Боговиње го пушти во употреба новиот пат од Чифлик до Калник, откако неодамна заврши асфалтирањето. Пробивањето на оваа делница беше започнато во септември 2018 година.
-Овој пат ќе ги поврзе двете населени места и ќе овозможи поефикасен сообраќај за граѓаните. Изградбата на овој пат е еден од клучните проекти за изградба на патна инфраструктура на општинско ниво, изјави градоначалникот Албон Џемаили.
Патот е долг 497 метри и широк пет метри, а за неговата изградба се потрошени 3.039.258 денари.