Претприемачи од С. Македонија, Бугарија, Хрватска, Албанија, Косово и Србија ќе учествуваат на на денешниот Националниот бизнис форум – Скопје 2019, во организација на Здружението „Обединети бизнис клубови“ (ОБК).
Повеќе од 300 учесници ќе разговараат на темата „Европски фондови и програми за економски развој на Република С. Македонија“. Посебен акцент ќе биде ставен на поддршка на развојот на земјоделството, туризмот, општините и малите и средни претпријатија.
Веселин Халачев, претседател на ОБК, вели дека е форумот што тие како најголема невладина организација која поддржува мали и средни бизниси во Бугарија, го организираат во Скопје е показател за одличните односи меѓу двете соседни земји и помеѓу нашите бизниси.
Европските фондови и програми во 2020 година, како и оние за периодот 2021-2027 година, новите услови и финансиски инструменти за поддршка на деловните субјекти и општините, се некои од прашањата што ќе се дискутираат на форумот. Повеќето од овие средства се управуваат директно од Европската комисија, за кои се аплицира директно во Брисел, а Република С. Македонија е квалификувана земја за многу од нив, велат од ОБК.