Јавното претпријатие „Комунална хигиена“ – Скопје спроведува едукација на учениците од скопските основни и средни училишта како правилно да ги употребуваат новите садови за отпад.
– Откако претпријатието започна со поставување на новонабавените контејнери со зафатнина од 3,2 кубни метри, се забележа потреба за дополнително информирање и упатување на граѓаните на кој начин правилно се употребуваат овие садови, со цел да за спречи нивното оштетување и да се овозможи непречено собирање и транспорт на комуналниот отпад, соопштуваат од прес-службата на комуналното претпријатие.
Во таа насока, ЈП „Комунална хигиена“ – Скопје реализираше ваков тип на едукација во ООУ „Димитар Миладинов“, каде што учениците научиле на кој начин се отвораат новите контејнери, за каков вид на отпад се наменети, како и за важноста на примарната селекција на комуналниот отпад.
Од таму информираат дека претпријатието и во претстојниот период ќе продолжи со едукација на најмладите сограѓани за правилна употреба на новите садови за отпад.