Во Домот на културата „Кочо Рацин“ вечер од 19 часот ќе се одржи поетската манифестација „Денови“ во чии рамки на поетесата Надица Лешникоска од Скопје ќе и биде врачена наградата „Бели мугри“.
Домот на културата „Кочо Рацин“ ја доделува по деветти пат оваа награда за млад автор до 35-годишна возраст, Лешникоска ја доби за нејзината најнова збирка поезија „Кирија за срце“.
Надица Лешникоска е магистер во областа на мировната дипломатија. Со поезија се занимава од рана возраст. Во 2005 година ја објавила првата збирка поезија „Копрена” за која ја доби наградата „Даница Ручигај” за најдобра дебитантска поетска книга.
Објавува поезија во македонската и во балканската периодика, а застапена е и во „Мостови” – избор поезија од поетите – дебитанти, кандидати за наградата „Мостови на Струга” за 2006 година.