Македонија

Шефовите на дипломатиите на Австрија, Словенија и Чешка викендов во Скопје и Тирана

May 21, 2021
Македонско Сонце
48 Comments

Австрискиот министер за надворешни работи Александар Шаленберг викендов ќе ги посети Скопје и Тирана, во обид да ги продолжи напорите на австриската Влада да го забрза процесот на проширување на ЕУ кон Западен Балкан.

-Посебноста на оваа посета е дека министерот Шаленберг ќе патува заедно со неговите колеги од Словенија и Чешка, Анже Логар и Јакуб Кулханек, соопшти МНР на Австрија.

Пред патувањето во Скопје и Тирана, Шаленберг рече дека посетата е јасен сигнал дека Северна Македонија и Албанија, како и сите други земји во регионот, можат да сметаат на поддршката на Австрија.

Тој истакна дека 2020 година е изгубена година за целиот регион и дека неуспехот да се отворат преговорите за пристап со Северна Македонија и Албанија е големо разочарување.

-Оваа година, 2021 година, не смее да се изгуби повторно. Нанесената штета станува се поголема, изјави Шаленберг.

Според него, на Западен Балкан се води борба за модел на живот и предупреди дека ако ЕУ конечно не го исполни ветувањето, тогаш вакуумот ќе го пополнат други држави.

Шаленберг е на пат со неговиот словенечки колега, чија земја ќе го преземе претседателството со ЕУ за половина година на 1 јули и шефот на чешката дипломатија, за кого ова е прва посета на регионот.

 

48 thoughts on “Шефовите на дипломатиите на Австрија, Словенија и Чешка викендов во Скопје и Тирана”

Leave a Reply

Your email address will not be published. Required fields are marked *