Заев – Чавушоглу: Реформската Влада ги отвора евро-атлантските и економските перспективи

Turkey's Foreign Minister Mevlut Cavusoglu answers a question during an interview with Reuters in Ankara, Turkey, August 24, 2015. Turkey and the United States will soon launch "comprehensive" air operations to flush Islamic State fighters from a zone in northern Syria bordering Turkey, Cavusoglu told Reuters on Monday. To match Interview MIDEAST-CRISIS/TURKEY REUTERS/Umit Bektas

Заедничка определеност за продлабочување на традиционалните пријателски односи помеѓу Република Македонија и Република Турција, како и турска поддршка за ЕУ и НАТО интергациите на земјата била изразена на средбата попладнево на премиеот Зоран Заев, придружуван од министерот за надворешни работи Никола Димитров и пратеникот Мухамед Зекири, попладнево со турскиот министер за надворешни работи Мевљут Чавушоглу, кој бил придружуван од пратениците Хусејин Бурге и Шабан Дишли, како и од амбасадорката на Турција во Македонија, Тулин Еркал Кара.

Како што соопшти владината прес-служба, на средбата турскиот министер Чавушоглу, во име на премиерот на Република Турција, Бинали Јилдирим, му честиташе на премиерот Заев за стапувањето на должност претседател на Владата на Република Македонија и најави целосна поддршка на работата на Владата. Исто така, се додава, министер Чавушоглу изрази уверување дека новата реформска Влада го отвора патот на Македонија кон ЕУ и НАТО и пренесе поддршка на Македонија од Турција за членството во НАТО, но и за евроаспирациите на земјава.

– Владата на Македонија е силно посветена на реформите важни за евро-атланстките интеграции на државата, но тие истовремено ќе придонесат и за развој на економијата и правната држава, како и за квалитетен живот на сите граѓани, рече премиерот Заев, се наведува во соопштението.

Тој посочи дека Владата работи на создавање поволна деловна клима, за да овозможи функционирање на домашните претпријатија, но и странски инвестиции, со што Владата планира да создаде услови за нови работни места, повисоки плати и достоинствен животен стандард за граѓаните.

Во таа насока, министерот Чавушоглу соопшти дека постои интерес кај турски инвеститори за вложувања во Македонија, посебно по реформите што ги презема Владата за политичка и економска стабилизација.

На средбата на премиерот Заев со турскиот министер Чавушоглу изразен е заеднички интерес за соработка како на полето на економијата, инвестициите, трговијата, така и во образованието, културата, спортот и во сите други области значајни за граѓаните на двете земји.

На состанокот беа поздравени инклузивните политики на Владата за градење на Република Македонија како едно општество за сите граѓани, независно од етничката и политичката припадност, со што Македонија станува пример за соживот во регионални рамки и пошироко во Европа и светот, стои во соопштението од прес-службата на Владата.