Средба на лиддерот на СДСМ Заев со Иваниќ

Претседателот на СДСМ, Зоран Заев придружуван од заменик претседателката, Радмила Шекеринска и генералниот секретар Оливер Спасовски денеска оствари средба со делегација на Босна и Херцеговина предводена од Претседавачот со Претседателството на Босна и Херцеговина, Младен Иваниќ.

Како што соопшти СДСМ, на средбата се разговарало за унапредување на долгогодишната соработка и пријателство меѓу двете земји како и за итноста и важноста од деболкада на демократските процеси во земјата што е интерес и на Македонија и на регионот.

– Оформено е легитимно мнозинство од 67 пратеници во Парламентот на Р.Македонија коешто ја одразува волјата на околу 700.0000 граѓани кои на кредибилни и регуларни избори јасно избраа промени, заедништво и економски напредок на државата. Институциите на системот и политичките субјекти во земјава имаат одговорност и се должни да обезбедат мирен трансфер на власта што е врвен државен интерес за граѓаните на Р.Македонија. Граѓаните очекуваат разрешница и стабилизација на политичката состојба и затоа согласно Уставот, законите и Деловникот ќе следува избор на претседател на Собранието на Р.Македноја и нова реформска Влада, истакнал  Заев.

Како што се посочува, заеднички било констатирано дека стабилноста и мирот во земјата се врвен приоритет за граѓаните на Р.Македонија, исто така, важни и за земјите од регионот и затоа, се наведува, институциите на системот мора да овозможат продолжување на демократските процеси во земјава.

Оценето било дека добрата соработка и понатаму ќе продолжи да се унапредува и дека двете земји ќе разменуваат позитивни искуства и практики што ќе им помогнат да напредуваат во европските интеграции што е од голем интерес за граѓаните на Р.Македонија и на Босна и Херцеговина.