ДОНЧЕВ: До сега го немам слушнато овој коментар и не се согласувам со него. Напротив енергично работиме и на едната и на другата тема. Прво, да кажам поминаа четири месеци од изборот на новото раководство. Со доаѓањето на лидерската позиција на господинот Никола Груевски презедовме неколку активности во насока да ја обновиме и реорганизираме нашата партиска структура. Во тој контекст, одиме на директна средба со граѓаните и членовите на партијата. Тие имаат можност со лидерот и со новото раководтсво да ги разгледуваат проблемите во партијата и во месните организации. Паралелно со ова го започнавме процесот на назначување на новите претседатели и координатори на општинските комитети каде што за прв пат преку отворен и транспарентен начин ги селектираме кандидатите за претседатели на општинските комитети. Одзивот на кандидадите е многу добар, а забелешките што пристигаат од нашето членство, од самите кандидати и од пошироката јавност, велат дека начинот кој го одбравме навистина е демократски. Основните критериуми при изборот, се минатиот труд, резултатите од нивната работа, но се разбира и визијата за иднината на партијата и нејзиното членство. Во прилог на ова морам да укажам дека работиме и на обновување на самата структура, бидејќи сакаме да воведеме една модерна и ефикасна организациска структура која наскоро во партијата ќе ја промовираме. Истовремено, започнавме со назначување на поединци кои ќе учествуваат во различните партиските комисии кои имаат советодавна функција на Извршниот комитет. Тие ќе имаат значајна улога во креирањето на партиската политика.

ДОНЧЕВ: Ние нон-стоп сме присутни во јавноста, а тоа се забележува. Реагираме на одредени случаи, било да станува збор за злоупотреба на мерката притвор или на секојдневните политички настани. Значи, ако до Конгресот бевме во некојаси дефанзива, мислам дека по него се наоѓаме во една далеку попрогресивна политичка офанзива и за несреќа на СДСМ тоа ќе продолжи. Ние ќе станеме уште пожестоки во нашата критика кон Владата и онаму каде што ќе има погрешни чекори, а таквите ги има многу и се јасно забележливи. Во прилог на ова морам повторно да се вратам на вашето преходно прашање, зошто постојано посочуваме на селективниот прогон, селективната примена на правната држава, селективните апсења?

Тоа е болно прашање, но не затоа што директно удира врз нашата партиска структура, туку е опасно затоа што создава еден сериозен преседан за иднината и демократскиот развој на Република Македонија.

Значи постои ризик во кој, оној што се наоѓа на власт, ќе направи еден синџир на репресија од кој ќе црпи голема енергија и политичка моќ со која може селективно да го применува законот, како на пример во таканаречената борба против корупцијата или при селективни отпуштања од работа.

ДОНЧЕВ: Да тоа е јасно, бидејќи секогаш кога Владата излегува со некои скандали и афери и веднаш оди со кривични пријави и спектакуларни апсења, знаеме дека или ќе дојде нова криза, или сме пред вратите на некоја си нова криза која во моментов е присутна. Значи, власта својата неспособност апсолутно ја покрива со т.н. начин "мачкање на очите" на јавноста. Што сакам да кажам? Никој во нашава партија не е против борбата против корупцијата, но доколку таа борба е чесна, искрена, неселективна и е во рамките на законот. Меѓутоа, ако се случи преку 60 наши луѓе, поранешни функционери, или членови и симпатизери на ВМРО-ДПМНЕ, да се ставени во притвор, тогаш се наметнува прашањето: дали постоеле објективни причини во рамките на законот, зошто тие луѓе требале да бидат ставени во притвор. Или ова е една репресија, тортура од страна на власта кон опозицијата. Тоа е клучниот проблем. Значи не станува збор за прашањето кој од овие поединци се виновни или не? Сите ние треба да ја почитуваме правната норма, презумцијата на невиност, се додека судот не каже поинаку. Ние никаде не сме кажале дека доколку јавното обвинителство смета и треба да покрене судска постапка, дека тоа не треба да си тече во рамките на судската процедура. Меѓутоа, секој поединец е невин се додека судот не го осуди. Затоа ние сме обврзани, не само како Партија, туку како држава да го почитуваме тоа златно правило. Но, од тој аспект гледаме еклатантни прекршоци на законот и регулативата. Ние имаме една зачудувачка ситуација, во која Министерството за внатрешни работи, пред извесно време, дефакто ја обвини госпоѓа Слободанка Шуклева во јавноста и се стави во позиција на обвинител, судија и извршител. За среќа таквиот начин беше осуден од дел од медиумите. Тоа го стори и Хелсиншкиот комитет за човекови права, кој остро ги оценува постапките на МВР. Затоа ваквите постапки ние не можеме да ги толерираме, не само како Партија, туку граѓаните и државата мора да ја почитуваат презумцијата на невиност, до тој миг кога судот јавно ќе даде своја оценка за делото. Значи во тој контекст е нашата борба против злоупотребата на мерката притвор.

Едно мораме да разликуваме дека ние не сме против водењето на судската постапка против поединците, туку сме против злоупотребата на мерката притвор и селективното приоѓање. Ова може да се забележи во досегашните примери во кои во т.н. борба против корупцијата преку 95 отсто од случаите се од ВМРО-ДПМНЕ. Сите ние знаеме дека корупцијата во Република Македонија не настанала пред четири години, тоа го посочи и Дорис Пак во една неодамнешна нејзина изјава.

ДОНЧЕВ: Видете. Ние како Партија рековме дека сме направиле грешки во одредени сегменти со раководењето со државата. И впрочем затоа народот така гласаше. Мислам дека многу научивме од тие грешки и тоа е добра основа за начинот како Партијата ќе делува во иднина во улога на опозиција, но и како идна Влада. Меѓутоа, треба да ги разликуваме грешките што ги направивме како Партија од потенцијалните криминални дејствија. Во тоа никој не може да навлезе освен судовите. Значи јавното обвинителство треба да поднесе пријави онаму каде што смета дека има прекршоци. Но, само судот може да каже дали некој навистина го прекршил законот. Ние како Партија не можеме да одговориме на вашето прашање, дали овие грешки се рамни на прекршоци. Законски не можеме да дадеме таква оценка. Повторувам само судот може да даде таква оценка и да осуди, но не одредени поединци. Во тој контекст сакам да повторам дека нашата битка се содржеше во тоа што сметаме дека генерално се злоупотребува мерката притвор против поранешни функционери од ВМРО-ДПМНЕ, а таа злоупотреба беше еклатантна во случајот на госпоѓа Слободанка Шуклева.

ДОНЧЕВ: Ништо нема да не изненади, бидејќи очигледно е дека Владата својата неспособност со раководењето на државата, со економската криза која ја продлабочи, не ги исполни своите ветувања што ги даде на изборите на 15 септември 2002 година. Затоа веруваме дека покрај економската криза и лошата безбедносна ситуација, нема да бидеме изненадени од некои нови кривични пријави и спектакуларни апсења, во очајнички обид уште еднаш да го свртат вниманието на јавноста од суштинските проблеми, а тоа се невработеноста, економската состојба и безбедносната ситуација.

ДОНЧЕВ: Се разбира по демократски пат. Важно е демократските процеси нормално да течат. Значи моќта е во рацете на народот. Ние се обидуваме на народот да му кажеме дека навистина ова се селективни прогони кои се опасни појави за демократскиот развој и воопшто за демократијата во РМ. Сакаме со аргументирани факти да & докажеме јавноста, на меѓународната заедница, на медиумите, дека навистина се врши селективен прогон врз опозицијата. Мерката притвор станува опасна појава не само за нас како опозиција, туку и за другите граѓани. Бидејќи, ако ние како општество денес дозволиме да се прекршува законот врз поединци, тогаш можеби утре ќе се прекршуваат и други закони, ако не врз припадници на ВМРО-ДПМНЕ, тогаш тоа ќе се прави врз секој друг поединец. Затоа сакаме да создадеме критична свест во јавноста дека како општество не можеме да дозволиме селективна апликација на законот, селективен прогон и водење на судски постапки надвор од законските рамки.

Сметаме дека само преку создавањето на критична маса и посочувањето на случаите како на Шуклева ќе ја добиеме оваа битка.

ДОНЧЕВ: Политичката клима во Република Македонија се менува. Ако тие започнаа со една позитивно влијание по 15 септември кое беше базирано на спектакуларните ветувања на коалицијата предводена од СДСМ, нови вработувања, економски просперитет, за безбедноста, она што сега го гледаме и го говорат актуелните резултати, се очајнички факти. Станува збор за полето на економијата каде што имаме катастрофални резултати. Бруто домашниот производ ќе биде под очекувањата. Видовме низа на зголемени цени кои беа неоправдани или непремерени за приликите во земјава. Се покачија: струјата, водата, ДДВ, телефонските услуги... Тие зголемувања отидоа на штета на стандардот и на џебот на обичниот граѓанин. Значи на економски план апсолутно има причина зошто населението да гледа разочарувачки кон способноста на оваа Влада. Но, лично се надевам дека нема да дојде до социјални тензии, бидејќи сепак со тоа сме го достигнале дното. Станува мошне критично.

ДОНЧЕВ: Уште кога започна оваа криза ВМРО-ДПМНЕ излезе со свој став дека ги поддржува безбедносните сили на Република Македонија и Владата во преземањето на енергични мерки во борбата против криминалците и терористите. Значи мора да се научат некои лекции од 2001 година кога за жал поради неподдршката на СДСМ кон ВМРО-ДПМНЕ, се доцнеше во реагирањето и се дојде до тоа што денес го имаме. Веруваме дека имаме сила, а им даваме целосна поддршка на нашите армиски и полициски сили. Единствено останува прашањето за политичката волја и желбата за решителноста да се справи со ситуацијата штом ќе настане. Во тој контекст како Партија даваме поддршка за енергично справување со бандите.

ДОНЧЕВ: Судбината цел живот ние си ја креираме. Дали како поединци или како нација. Значи нам ни останува судбината да ја менаџираме. На безбедносен план имаме сили да се уништат бандите, имаме поддршка од меѓународната заедница, имаме консензус од страна на опозицијата, само колебањето може да ја влоши нашата судбина. Решителна акција, справување со овие терористички или криминални групи е единствениот пат за судбината која ја преземаме во сопствени раце.