Ние веруваме во Божјото слово и Божјата моќ. Зошто тогаш некој не отуѓува од нив? Зошто ни ги затвора портите на спасението и не прогонува. Тоа е непочитување на една традиција, култура, минато. Тоа е непочитување на себеси.

Вероучението е силна терапија за да се стави крај на целиот процес кој со целата раштиманост, сите негативни пороци, наркоманијата, проституцијата, алкохолозмот, убиствата и самоубиствата го уништуваат тој духовен прецвет кој ни го дарува духовното спасение и Вероучението. Ова треба да го знае господинот министер за просвета, сите просветни органи и сите разумни луѓе. Владата треба да се присети колку голем грев носи за уништување на младите и децата.

Злобните луѓе нека си ги гледаат рацете оти тие се извалкани со тежок грев на уништување на државата и сите нејзини придобивки. Тие го уништуваат здравото ткиво, го уништуваат цутот на едно општество. Тоа е нашата младина. Тоа е конецот кон иднината. Црквата треба да се бори со целото свештенство како духовна целина да го сотре тој грозен чемер.

Синодот и Поглаварот на МПЦ добро знаат дека државата без Црквата е само една голема дупка во која се судруваат токму тие црни и грозни сили. Погледнете ги сите оние држави кои со целиот свој сјај и ренесанса се разединети со тој чин со кој комунизмот мораше да создаде диктатура наместо духовно славослајве како што го имаат сите држави. Македонија има своја силна Црква, силен духовен вознес и секаков колапс на вистината не носи во бездна. Црквата и државата треба да бидат една стварност и хармоничност - барем така не учи Евангелието и самиот Господ.

Богатство на оваа наша драга држава е токму вистината на Евангелието, во разумноста и во светлината на нашите темели кои се бедемот на младите, а во нив е иднината, судбината и среќата на нашата светла држава. Умот, логиката на разумот треба да биде во рацете на државата и Црквата која е составен дел на нашата историја и вистината.