СТАНКОВСКА: Љубовта кон хемијата како интересна природна наука го привлече моето внимание уште за време на моите гимназиски денови и ја определи мојата идна професија. Во 1975 година завршив применета хемија, но иако имав желба да работам во лабораторија, ја немав таа среќа (и тогаш не можеше по нормален пат да се дојде до работно место).

СТАНКОВСКА: Активниот ангажман на жената како сопруга, мајка и професионално ангажирана на работното место, сигурно бара многу жртви. Можеби со мене нема да се согласат многу мои колешки, но јас поаѓам од сопственото лично и професионално искуство при детерминирање на времето кога е најдобро жената активно да се вклучи во политиката. Семејството е клетка на секое општество. Само здраво семејство е предуслов за здраво општество. По природа на нештата, барем во првите години на градење на семејство и одгледување на поколенијата, неопходно е присуството на мајката што не значи дека некој и не може поинаку да размислува, но јас лично мислам дека нема соодветна замена за топлината што мајката може да им ја даде на децата. Но, исто така, сметам дека не постои рецепт за моментот кога жената треба да се вклучи во политиката што пак зависи од низа други околности. Според мене и моето искуство, вклучувањето во политиката по релативното осамостојување на децата, е сосема оправдано во целина.

СТАНКОВСКА: Јас не би правела полова класификација за способноста на една единка на политички или професионален план. Лично сметам дека жената може рамноправно и мошне успешно да учествува во политичкиот живот, но искуствата кажуваат дека за таа да ја добие шансата да покаже колку знае и може, треба да вложи многу повеќе енергија и труд.

СТАНКОВСКА: На професионален план задоволна сум од третманот што сум го имала од моите колеги и директни соработници, но искуствата што ги имам од мојот политички ангажман ми кажуваат дека во политиката има многу помалку фер плеј и средината се уште не е подготвена на жената да & го овозможи она што природно & припаѓа. Фактот што сепак по долгогодишен политички ангажман ја добив можноста да станам пратеник, ми говори дека сепак некој знае да цени и почитува за што искрено сум благодарна, не поради мојата личност, туку поради целокупниот амбиент во партијата во која членувам.

СТАНКОВСКА: Сакам да бидам до крај искрена и да Ви кажам дека на прво место во мојот живот го ставам моето семејство. Политичкиот ангажман многу ми е олеснет поради фактот што сум мајка на три возрасни деца, син апсолвент на Електротехнички факултет, ќерка дипломиран хемиски инжинер, а најмалата ќерка е трета година на Филолошки факултет. Од сопругот и моите деца имам целосна поддршка и, впрочем, се што досега сум постигнала им го должам ним. Љубовта кон нив и во најтешките моменти ми овозможувала да издржам и постојано во борбата да излегувам како победник.

СТАНКОВСКА: И пред малку посочив дека моето искуство со политиката е малку поинакво и дека однапред немав ниту амбиции, ниту некој посебен план како да се вклучам во политиката. Се беше некако спонтано, можеби условено од мојот карактер да ги прифаќам предизвиците и максимално совесно да ги извршувам сите обврски што ги наметнува политичкиот или професионалниот ангажман.

СТАНКОВСКА: Во одреден период од животот и може да се разбере како хендикеп, но ако се знае дека инвестицијата во семејството е трајна и далекусежно исплатлива и е предуслов за среќна иднина на поколенијата на едно здраво општество, тогаш жртвите и не се така големи.

СТАНКОВСКА: Имам целосна поддршка и разбирање од моето семејство. За таквото разбирање кога имам можност настојувам да им возвратам и да им го надоместам пропуштеното. Впрочем, се уште го одржувам стариот предполитички ритам на домаќинка во фамилијата. Воопшто не изостануваат моите готвења, подготовка на месени јадења и слатки.

СТАНКОВСКА: Во едно сум сигурна, барем од сопственото искуство, дека никогаш не би можела комплетно да се искажам како личност на професионален и политички план доколку ја немав поддршката на мојот сопруг кој не само што има огромно разбирање за се она што јас го работам, туку и многу често знае да ме мотивира да направам и повеќе и подобро. Секогаш гласно размислуваме на еднакво рамниште се додека не се констатира која е вистината и како би требало да се постапи.

СТАНКОВСКА: Со мене, по смртта на мојот татко, живее и мојата мајка и морам да признам дека во едно шестчлено семејство, со сиот ангажман што го имам во семејството и Парламентот, многу малку време ми преостанува за да можам да си го посветам на себе. Но, секогаш се трудам да изгледам уредно, можеби малку покласично што е условено од мојот долгогодишен ангажман како професор во гимназијата.

СТАНКОВСКА: За жал, квотите беа неопходни за поголемата застапеност. Инаку, не сум приврзаник на квоти, без разлика на што се однесуваат тие. Сакам за некоја личност да зборуваат квалитетите и резултатите, но практиката покажа дека во политиката важат некои други правила во кои жената потешко се вклопува. Ако во вкупната популација жената е застапена нешто над 50 отсто, зошто да не биде застапена и во политиката со соодветен процент?!

СТАНКОВСКА: И порано имало жени во политиката, но факт е дека тие не биле во можност да се изборат за поголема застапеност на жената. За среќа, многуте невладини женски организации со својот ангажман направија во Законот за избор на пратеници да се вметнат квоти што резултираа со поголема застапеност на жената во Парламентот. За жал, многу партии, иако ја испочитуваа законската норма, на изборните листи жените ги ставија на позиции кои често и не беа добитни што е уште една злоупотреба на сметка на жената. Посебна порака немам, но за сите оние кои имаат намера да се занимаваат со политика, посакувам да бидат чесни и упорни и со личен пример постојано да укажуваат дека тие се дел од народот и дека се подготвени заедно со него да делат и добро и лошо и дека во политиката не се поради профитот. Да не се заборави ни семејството.

Горе

Copyright © 2003 "МАКЕДОНСКО СОНЦЕ"