Бог е милостив кон сите - и кон сиромашните и кон богатите. Сите ние сме негови чеда. Но, за жал, некои го одбрале патот на гневот и срамот. Тие се жртви на црните мисли, сатанизамот, на болката и на јадот. Патот кој го избрале не им ветува спокојство. Напротив, тој го уништува нивното битие, нивната самодоверба, нивната верба.

Но, за сите постои надеж. Никој не е сам на овој свет. Тоа ни го порача и милостивиот Бог кој кога се вознесе на Небесата ни вети дека засекогаш ќе биде со нас, меѓу нас. И во добро и во зло, ќе не штити, ќе ни го осветлува животниот пат. Оние праведните и храбрите под милоста на ангелот Господов успеваат да & пркоста на тешката судбина. Успеваат да го урнат ѕидот на плачот. Сите сме божји чеда, деца еднакви пред Спасителот и пред Бојжиот суд.

Овој свет во кој живееме е исполнет со црнила и маки. Човекот знае само за одмазда, грабежи и убиства. Знае само за себе. Ретки се тие кои со божја љубов сакаат да му помогнат на братот, на оној кој страда. Но, сите кои грешат сакаат сакаат прошка. Новиот свет Господов е свет на радост, бесмртие, љубов и слово. Дали оние кои се огрешуваат пред Бога заслужуваат вакви доблести? Можеби, но вистинскиот одговор го знае Бог. И во судниот час тој ќе ни пресуди. Секој кој верува и се надева е добредојден во православието, во светата црква. Затоа нашиот дух и размисла треба да ги исполниме со добра волја и љубов. Само така ќе бидеме достојни Господови чеда, кои храбро ќе опстојат во иднината која следи.

Нашата Света Климентова православна црква, нашето свештенство, нашите верници биле и ќе бидат бескомпромисен бастион на сите зли духови и злобни намерници. Мисијата која нашиот Поглавар, нашите свештенослужители ја водат е бесмртна. Пред нејзиното дело и најголемите оратори остануваат неми. Восхитот и почитта се единствено признание.

Сме опстоиле со векови благодарение на силната верба и храброст на нашите богослужители. Тие се жртвувале за црквата, се жртвувале за нас, за денес ние да живееме во духовен мир и благосостојба. Нивните поуки, совети и разбирања денес се наше најголемо богатство. Родот е голем со големи дела. Така е и со нашата црква, со нашата света православна вера. Затоа сме бесмртни и пред Бога и пред светот.