Исто така и во населбата Лисиче ќе има голем собир, еден навистина светол настан. Традиционално населбата Лисиче го слави овој празник мошне свечено, богато и со посебна програма. На овој ден во црквата се случуваат големи настани поврзани со овие врвни светци меѓу кои и апостолот Павле, кој е претходник и првиот христов следбеник кој стапнал на македонско тло да ја проповеда светата книга, евангелието. Во населбата Ѓорче Петрво во вознобновената и сега прекрасна црква во стил на старите манастирски храмови која не потсетува на Плаошник на Светиклиментовото битие во Охрид, ќе се одвива манифестација и прослава богата и мошне свечена.

Овие два светли дена во месец јули претставуваат и симбол на нашата христијанска православна црква, оти овие два апостола се и носители на целокупното евангелско учење и љубов кон нашиот спасител. Тие претставуваат вистински адиминистратори на христовото учење.

Во Ѓорче Петров се очекува да се одржи голема архиерејска литургија на која ќе чиноначалствува (иако се уште не е потврдено) неговото блаженство поглаварот на МПЦ г.г Стефан во асистанција со уште некои други митрополити.

Како и секоја година така и оваа овој празник со себе носи прекрасни моменти од сите овие големи христијанско православни ритуали кои посебно во оваа црква се одржуваат со посебен пиетет.

Ништо полошо не е ни во храмот во Лисиче. Исто така се слави помпезно и приливот на верниците е многу голем и се очекува дека така ќе биде и оваа година. Бидејќи оваа година е јубилејна од раѓањето на светилиот Илинден значењето ќе биде уште поголемо и посветло.

Се знае дека ќе се одржи и заупокоена молитва за загинатите наши јунаци од Илинденскиот еп и ќе се слави оваа 100-годишнина која е и столбот на нашето битие и самобитие.

Нашата Македонија како независна република се гордее, како библиска православна земја да го прослави овој ден онака како што заслужува.

Свештенството и во обете цркви силно се подготвува и старешините на обата храма ќе сторат се да празникот биде содржаен и свечен.

Мошне е среќно и мошне е восхитено да се најдеме во вознобновениот храм во Ѓорче Петров кој со својата прекрасна глетка не потсетува на манастирските убавици, оти црквата со своето ново руво денеска е гордост за нашиот град и државата.

Старешината прота Иван Митевски и другото свештенство кое е едно од најхомогенизираните братски заедници во градот, ни ветуваат дека ќе сторат се да овој ден верниците се чувстуваат заедно со своите апостоли свето и спокојно.

Да дојдеме да се помолиме со нашите молитви, да се најдеме на големата трпеза на љубовта и возвишено да запееме во име на Господа и неговата љубов. Да се свртиме кон херувимите на нашата црква и светата литургија да ја воспримиме со смирение и вознес.

Два дена во овој храм и во храмот кој се наоѓа во населбата Лисиче ќе се празнува. Два дена во срцата ќе блеската светлите имиња на апостолите Петар и Павле, оти нашата православна црква денеска навистина празнува голем настан.