Ако основните принципи врз кои се засновуваат нациите/ државите се: историското и културното минато, територијалниот, државниот, етничкиот, јазичниот и на крај економскиот принцип, тогаш македонските комунисти како членови на КПГ практично според прифатените програми, се откажаа од двата принципи: територијалниот и државниот. Тоа им беше наложено од КПГ, бидејќи таа се бореше исклучиво за територијалниот и државниот суверенитет на грчката држава и затоа остануваа (прифатени и неприфатени) само етничкиот и јазичниот принип, а исто така и историското и културното минато на Македонците. Што значи, сето наше (само)жртвување беше за една минимална програма што ја нудеше КПГ, посебно: " по 15 мај 1943 година кога во Москва, на иницијатива на Ј.В. Сталин е донесена одлука за распуштање на Комунистичката интернационала (Коминтерна), со што формално е признато правото на самостојно решавање на секоја комунистичка партија. (Види: Историја на македонскиот народ, Скопје, 1988 година, страница 345).

Генералниот став на Велика Британија по македонското прашање е искажан во Маморандумот за Македонија, изработен од политичко-истражувачкиот оддел на Форин офис-от од 20 август 1944 година. Во тој Меморандум идејата за самостојна Македонија не беше прифатена, па се разработуваат разни варијанти на федерацијата: Формирање Балканска федерација, во која би влегле Југославија, Бугарија, Грција и Турција. Во таа варијанта Македонија би била автономија. За ова варијанта не постоела согласност на големите сили. Формирање на федерација мегу Југославија и Бугарија, при што Пиринска Македонија би се припоила кон Македонија. Оваа варијанта би добила поддршка од СССР, но со тоа не би биле загрозени интересите на Грција, Турција, но и на британските интереси на Балканот. Британија би можела да прифати формирање на македонска држава во идната југословенска федерација, но под услов ниту македонското, ниту југословенското државно раководставо да не поставуваат барања за припојување на Пиринска и Егејска Македонија кон македонската држава, бидејќи со тоа би се загрозиле британските интереси во Грција и Турција. Овој Меморандум беше доставен до владите на САД и на СССР и тие се согласија со него. По тоа истиот беше доставен на запознавање на владите на Југославија, Бугарија и Грција (види, "Британски документи на Македонија", кн. 1, 15, 22 и 64).

По тој повод, државниот печат на англоамериканската лига изјавува со провокативни намери дека Конгресот ќе се определи за припојување на грчка Македонија во една заедничка држава со бугарската и југословенската Македонија и дека со монархофашистичкото општество во Грција ќе се борат за создавање на една слободна и демократска Грција.

Тоа беше ставот на КПГ, што покажува дека во тој период Маркос не беше "Титоист" и не ги симпатизираше идеите за Обединета Македонија, во рамките на една Балканска Федерација. (види: Елисабет Баркер). Секој прогонет се прашува: Зошто ЕЛАС посака да ги ликвидира македонските баталјони, како што сакаше тоа да го стори со германката армија, а сега откаде таа гаранција ја имавме од генерал Маркос, кога тој лично ја потпиша горната наредба, па сега НОФ и АФЖ влегуваа во заедничка борба во следните години (1946 - 1949)?!!